დეპარტამენტებად / პოზიციებად დაჯგუფებული თანამშრომლები
დეპარტამენტის ზომის მიხედვით
შევსებას ჭირდება 10-წამზე ნაკლები
თანამშრომელთა ჩართულობის გაზომვა ახალი მიდგომა არ არის. იგი უკვე დიდი ხანია გამოიყენება პასუხისმგებლიანი და პროგრესულად მოაზროვნე კომპანიების პრაქტიკაში. უმეტეს შემთხვევაში ასეთი კვლევები ტარდება სტანდარტიზებული, საკმაოდ გრძელი და კომპლექსური კითხვარების საშუალებით. დღეს კი სულ უფრო იზრდება მოთხოვნა თანამშრომლების განწყობისა და ზოგადი კეთილდღეობის შესახებ სწრაფი, მარტივი და რეგულარული უკუკავშირის მიღებაზე. სწორედ ამას ემსახურება პროგრამა „კეთილდღეობა სამსახურში”, რომელიც არის ტექნოლოგიური ინსტრუმენტი, რომელიც ორგანიზაციაში თანამშრომლების კეთილდღეობისა და სტრესის დონეს მარტივად და ეფექტურად ზომავს.
პროგრამის საშუალებით შეგიძლიათ თავად განსაზღვროთ: რამდენად ხშირად გაიგზავნოს გამოკითხვა, რა კითხვებს შეიცავდეს იგი. შემდეგ სისტემა ავტომატურად აგზავნის კითხვარებს თანამშრომლებთან ელფოსტის ან SMS-ის საშუალებით. თუ სისტემამ ნეგატიური ტენდენციები დააფიქსირა, ავტომატურად მიიღებთ შესაბამის შეტყობინებას. გამოკითხვის შედეგები წარმოდგენილია კვირის ან თვის ჭრილში და შესაძლებელია მათი გაფილტვრა ორგანიზაციის სხვადასხვა ჯგუფის მიხედვით.
კითხვარი შექმნილია ისე, რომ შესაძლებელი იყოს რესპონდენტებისთვის უკუკავშირის დაბრუნებაც – მაგალითად: ინსპირაციული ციტატების, საინტერესო ფაქტების, ან მსუბუქი იუმორის გაზიარებით. გარდა ამისა, ინსტრუმენტი საშუალებას აძლევს მენეჯერებს ანონიმურად დაიწყონ დიალოგი თანამშრომლებთან, რაც შესაძლებელს ხდის პრობლემების ადრეულ ეტაპზე გამოვლენასა და გაუმჯობესებას.
