ყველა რგოლის ლიდერი, გაყიდვების წარმომადგენელი და თანამშრომელი, ვისაც თავის საქმიანობაში სჭირდება დამაჯერებლობა და ძლიერი გავლენის მოხდენა
8 - 12
2 დღე
სხვებზე გავლენის მოხდენისა და მათ ქმედებაზე დაყოლიების უნარი ერთ-ერთი უმნიშვნელოვანესი კომპეტენციაა ბიზნესის ყველა მიმართულებაში – იქნება ეს შიდა თუ გარე მოლაპარაკება, გაყიდვები, დამაჯერებელი პრეზენტაცია, ახალი იდეის წარდგენა, მხარდაჭერის მოპოვება თუ ინიციატივის „buy-in”-ის მიღწევა.
ჩვენი კომუნიკაციითა და ქცევით გავლენას ნებისმიერ შემთხვევაში ვახდენთ – მაშინაც კი, როცა ამას მიზნად არ ვისახავთ. ამიტომ სჯობს, ეს გავლენა შეგნებულად შევქმნათ. მთავარი კითხვა კი ასეთია: როგორ მოვახდინოთ გავლენა ეთიკურად და ეფექტურად, ისე რომ მივაღწიოთ მიზნებს win-win მიდგომით და მანიპულაციის გარეშე?
კურსი ასწავლის მონაწილეებს, როგორ გახადონ საკუთარი პრეზენტაციები და მოლაპარაკების არგუმენტები უფრო მიმზიდველი და ემოციურად ჩართული, რათა მოიპოვონ პარტნიორების თანხმობა და თანამშრომლობის სურვილი. ასევე ზრდის ცნობიერებას იმ ფაქტორების მიმართ, რომლებიც ადამიანების გადაწყვეტილებებზე ხშირად ქვეცნობიერად მოქმედებს.
ფოკუსი კეთდება გავლენისა და დამაჯერებელი პრეზენტაციის ძირეულ პრინციპებზე, თუმცა ასევე განიხილება თვითშეფასებისა და თვითღირებულების როლი – როგორ ქმნის ეს ელემენტები საუბრის ატმოსფეროს და როგორ შეგვიძლია პარტნიორის დარწმუნება ისე, რომ მისი ძირითადი საჭიროებებიც დაკმაყოფილდეს.
კურსის მიზნები
თემები
