GCC-ის საგანმანათლებლო სივრცის ერთ-ერთ უმსხვილეს მოთამაშესთან პარტნიორობა გააძლიერებს Develor-ის პოზიციებს ახლო აღმოსავლეთში. კომპანია რეგიონში ოპერირებს 2013 წლიდან და ამ პერიოდში გახდა ტრენინგებისა და საკონსულტაციო ბაზრის ერთ-ერთი ყველაზე მოთხოვნადი მოთამაშე, თანამშრომლობს უმსხვილეს კომპანიებსა და ინსტიტუციებთან.
„ეს არის ორმხრივად მომგებიანი პარტნიორობა, რადგან UAE Academy-ს ექნება შესაძლებლობა გააფართოოს თავისი საქმიანობის არეალი Develor-ის ინოვაციური სასწავლო პროგრამების დახმარებით და შესთავაზოს პარტნიორებს მსოფლიო დონის ლიდერული და გაყიდვების კურსები,“
– განაცხადა Develor International-ის გლობალურმა CEO-მ, ზოლტ პოჟვაიმ, UAE Academy-ის CEO-სთან, დოქტორ აბდულა აბონამასთან, ექსკლუზიური პარტნიორობის შეთანხმების ოფიციალური გაფორმების შემდეგ.
