გავლენა და ზემოქმედება

ჩვენ ყველა სხვადასხვა გუნდის წევრები ვართ, და ჩვენი წარმატება ხშირად დამოკიდებულია ამ გუნდის სხვა წევრებზეც. ჩვენი სპეციფიური, Insait-ის მეთოდოლოგიაზე დაფუძნებული პროგრამა ფოკუსირებულია არა მხოლოდ ინდივიდების, არამედ გუნდის ერთიან განვითარებაზეც.

გუნდის განვითარების და ერთიანობის პროგრამა ეფუძნება პატრიკ ლენსიონის მიერ აღწერილ გუნდის 5 დისფუნქციას – უნიკალურ მიდგომას, რომელიც გვეხმარება გავიგოთ, რატომ არის ჩვენი გუნდის შედეგიანობა შეზღუდული. როგორ შეგვიძლია დავრწმუნდეთ, რომ სწორად ვავლენთ იმ ბარიერებს, რომლებიც აფერხებს გუნდს, და ასევე ვპოულობთ გზებს მათი აღმოსაფხვრელად?

როგორ ვიურთიერთობოთ ეფექტურად და ავთენტურად მნიშვნელოვან სიტუაციებში, იმ დროს როდესაც ემოციურად ჩართულები ვართ – მოწყვლადად, დაუცველად, გაბრაზებულად ან გულდაწყვეტილად ვგრძნობთ თავს? როგორ დავიცვათ ჩვენი უფლებები კონსტრუქციულად?

პროფესიონალური პრეზენტაცია გარკვეულწილად ფლირტს ჰგავს – ის იწყება ყურადღების მიპყრობით, რაც საკუთარი თავის გამოხატვასა და თვითრეალიზაციას უკავშირდება. პრეზენტაციის დროს მხოლოდ რამდენიმე წამი გვაქვს იმისთვის, რომ მსმენელის ინტერესი გავაღვივოთ, და დაახლოებით ათი წუთი – იმისთვის, რომ ეს ინტერესი შევინარჩუნოთ. როგორ შეგვიძლია ეს დრო მაქსიმალურად ეფექტურად გამოვიყენოთ?

DEVELOR-ის Caribbean Adventure Program© ეფუძნება გამოცდილებით სწავლების იდეას და მონაწილეებს თამაშის მეშვეობით დამატებით ენერგიასა და ინტერესს სთავაზობს. თამაშის პროცესში მონაწილეები საკუთარ თავზე გამოცდიან დაგეგმვის მნიშვნელობას, როდესაც მათ უწევთ ეფექტური გადაწყვეტილებების მიღება შეზღუდული რესურსებისა და არასრული ინფორმაციის პირობებში.

Insights Discovery კურსი ქმნის საერთო, ფერებზე დაფუძნებულ ენას, რომელიც ეხმარება ადამიანებს მრავალფეროვანი პიროვნებების აღმოჩენაში და სხვადასხვა კომუნიკაციურ სიტუაციასთან ადაპტირებაში. ამის შედეგად ისინი უფრო მეტად აუმჯობესებენ და მეტად სიამოვნებით ქმნიან ურთიერთობებსა და თანამშრომლობას.