ეჯაილ პროექტ მენეჯმენტი - ახალი კაირო

მიუხედავად მრავალი უპირატესობისა, ეჯაილური მუშაობის მოდელი ყველა შემთხვევაში ან ყველა კომპანიაში ვერ გამოიყენება. ბევრი კომპანია არჩევს შეინარჩუნოს ტრადიციული ოპერაციული მოდელი და ეჯაილური მეთოდოლოგია გამოიყენოს მხოლოდ გარკვეულ პროექტებში. ჩვენი პროგრამა სწორედ ასეთ შემთხვევებზეა გათვლილი.

ტრენინგი აგებულია ეჯაილური პროექტის მართვის ბიზნეს-სიმულაციაზე, რომელიც შთაგონებულია ეგვიპტეში, კაიროში, ახალი ადმინისტრაციული ქალაქის (New Administrative City) მშენებლობის პროექტით. ტრენინგის განმავლობაში მონაწილეები დაგეგმავენ, განახორციელებენ და შეაფასებენ „ახალი კაიროს” (New Cairo) ხედვით პროექტს.

ტრენინგის თამაშზე დაფუძნებული და თავგადასავლებით სავსე ფორმატი მონაწილეებს ეხმარება ცოდნის უფრო სწრაფად და ეფექტურად ათვისებაში. ტრენინგის განმავლობაში მონაწილეები მუშაობენ გუნდებად და ერთმანეთს ეჯიბრებიან ინვესტორების დაფინანსების მოსაპოვებლად. როგორც რეალურ ცხოვრებაში, პირობებიც სწრაფად იცვლება და პროექტის მართვის კლასიკური მიდგომა ხშირად მარცხისთვის არის განწირული. წარმატების ერთადერთი გზა ეჯაილური მიდგომაა. წარმატების კრიტერიუმი მხოლოდ ეფექტურ შესრულებაში არ მდგომარეობს. ის ასევე მოიცავს რესურსების სწორ დაგეგმვას, სწრაფ ადაპტაციას ცვალებად გარემოსთან, აქტიურ მოსმენას, ნდობის მოპოვებას და ღირებულების უწყვეტ მიწოდებას. სიმულაციის დახმარებით მონაწილეები სწავლობენ, გამოცდილებით ითვისებენ და ინტენსიურად პრაქტიკულად ამუშავებენ ეჯაილური პროექტის მართვის არსს. ისინი იღებენ სიღრმისეულ ცოდნას ეჯაილური პრინციპების, როლების, პროცესებისა და ინსტრუმენტების შესახებ.

კურსის მიზნები

• ეჯაილური პროექტის მართვის ძირითადი ასპექტების გაგება
• სხვადასხვა ეჯაილური პროცესებისა და ინსტრუმენტების პრაქტიკული გამოცდილებისა და სიღრმისეული ცოდნის მიღება და მათი პრაქტიკაში გამოყენება

თემები

• ეჯაილური პროექტის მართვის უპირატესობები და თავისებურებები
• როლები და პასუხისმგებლობები ეჯაილურ პროექტის მართვაში
• ეჯაილური ინსტრუმენტები
• ეჯაილური პროცესები: იტერაციები და შეხვედრების სტრუქტურა
• პროდუქტიულობისა და დისციპლინის მართვა ეჯაილურ გარემოში
• ეჯაილური კულტურის ჩამოყალიბება – ეჯაილური მანიფესტი და ეჯაილური პრინციპები
• ეჯაილური პროექტების წარმატებული მართვის ძირითადი ფაქტორები
• რისკის ფაქტორები და მათი მართვის გზები
• ჰიბრიდული ეჯაილური მიდგომა შორისდეპარტამენტურ პროექტების მართვაში
• ჰიბრიდული ეჯაილური მიდგომის პრაქტიკული გამოყენება: კლიენტის / პროდუქტის / თანამშრომლის გამოცდილების მართვა (Customer / Product / Employee Journey Delivery)