მწვანე აზროვნება – ცვლილება გარდაუვალია

„Green Mindset“ პროგრამის მიზანია მონაწილეებს შესთავაზოს გარემოსდაცვითი ცნობიერებისა და მდგრადი განვითარების ტენდენციებისა და კონცეფციების კომპლექსური მიმოხილვა. პროგრამის ფარგლებში ისინი გაეცნობიან იდეებსა და პრაქტიკებს, რომელთა გამოყენებაც თავად, როგორც ინდივიდებს, შეუძლიათ უკვე მომდევნო დღიდანვე, რათა დადებითი გავლენა მოახდინონ საკუთარ გარემოზე. ეს ქმნის მყარ საფუძველს იმისთვის, რომ უკეთ გააცნობიერონ და აღიქვან საკუთარი როლი ორგანიზაციის მდგრადი განვითარების პროცესში.

პროგრამის ერთ-ერთი მთავარი ელემენტია სასწავლო თამაში „SAVEARTH“. თამაში შექმნილია ისე, რომ მონაწილეები ჩაერთონ პროცესში საინტერესო და ინტერაქციული ფორმით, პარალელურად მიიღონ ძირითადი ცოდნა გარემოსდაცვითი მდგრადობის საკითხებზე და გააცნობიერონ გლობალური თანამშრომლობის მნიშვნელობა.

მონაწილეები იყოფიან 6 გუნდად, რომლებიც წარმოადგენენ სხვადასხვა რეგიონს (ჩრდილოეთ ამერიკა, სამხრეთ ამერიკა, ევროპა, აზია, აფრიკა და ოკეანეთი). თამაში გრძელდება დაახლოებით 4 საათი. მისი მთავარი მიზანია გუნდური მუშაობის საფუძველზე ნახშირბადის ემისიების შემცირება და მდგრადი, ნახშირბად-ნეიტრალური პლანეტის შექმნა.

ამ პროცესში მონაწილეები ასრულებენ სხვადასხვა გამოწვევებს და იღებენ სტრატეგიულ გადაწყვეტილებებს, რაც ეხმარებათ მიზნის მიღწევაში და მიღებული ცოდნის პრაქტიკაში გამოყენებაში.

Green Mindset პროგრამის მიზნები:

• გარემოსდაცვითი მდგრადობის შესახებ ცნობიერების ამაღლება
• გარემოს დაცვის ძირითადი კონცეფციებისა და კონტექსტის გააზრება
• ეკომეგობრული ცხოვრების წესის ჩამოსაყალიბებლად პრაქტიკული მიდგომებისა და ჩვევების ათვისება

Green Mindset პროგრამის თემები

• რატომ არის მნიშვნელოვანი გარემოსდაცვითი ცნობიერება
• მდგრადი განვითარების არსი და მისი მიზნები
• კლიმატის ცვლილება – მიზეზებისა და შედეგების ანალიზი
• სათბურის აირები, ნახშირბადის კვალი და განახლებადი ენერგია
• ნარჩენების მართვა
• მდგრადი სოფლის მეურნეობა
• მდგრადი ურბანიზაცია
• დაინტერესებულ მხარეებთან თანამშრომლობა და გლობალური კოლაბორაცია

შესაძლო შემდგომი პროგრამები:

• CELEMI Sustainability™ სიმულაცია
• მწვანე ბიზნესი
• WATTs Next – ენერგოეფექტურობა პრაქტიკაში
• მრავალფეროვნება, თანასწორობა და ინკლუზია
• ფსიქოლოგიური უსაფრთხოება

პროგრამა შეიქმნა TBC Bank-ის (საქართველო) და DEVELOR-ის თანაავტორობით, ევროკავშირის ფინანსური მხარდაჭერით, ორი ევროპული ფონდის ტექნიკური დახმარების პროგრამების ფარგლებში: EFSE Development Facility და GGF Technical Assistance Facility.

წარმოდგენილი შინაარსი ასახავს მისი შემქმნელი ორგანიზაციების ხედვას და არ წარმოადგენს ევროკავშირის ოფიციალურ პოზიციას.