მენეჯერები და ლიდერები, რომლებიც ჩართულები არიან სტრატეგიული დაგეგმვისა და მიზნების დასახვის პროცესებში.
8 - 12
2 დღე
დღევანდელ VUCA გარემოში ორგანიზაციებს სჭირდებათ, სწრაფად და მკაფიოდ დაალაინონ გუნდები სტრატეგიულ პრიორიტეტებთან. სტრატეგიული მენეჯმენტი OKR სისტემით – ტრენინგი სწორედ ამ საჭიროებას პასუხობს — ის უზრუნველყოფს სტრუქტურირებულ ჩარჩოს სტრატეგიული მიზნების განსაზღვრისა და მათი რეგულარული გადახედვისთვის.
ეს პროგრამა განსაკუთრებით რეკომენდებულია იმ ორგანიზაციებისთვის, რომლებმაც უკვე დანერგეს OKR სისტემა, მაგრამ სურთ მისი პოტენციალის სრულად გამოყენება, ასევე მათთვის, ვინც გეგმავს დანერგვას ან იმყოფება განხორციელების პროცესში.
ტრენინგი ფოკუსირებულია Objectives and Key Results (OKR) სისტემის სწორ დანერგვასა და ეფექტურ გამოყენებაზე. სწორად გამოყენების შემთხვევაში, ეს არის ძლიერი და მოქნილი მიზნების დასახვის ინსტრუმენტი, რომელსაც წამყვანი კომპანიები იყენებენ გარდამტეხი ცვლილებების მისაღწევად.
პროგრამის ფარგლებში მონაწილეები სიღრმისეულად გაეცნობიან მიზნების პირამიდის (goal pyramid) სტრუქტურას და მის ელემენტებს, ასევე იმას, თუ როგორ ერწყმის OKR სისტემა ამ მოდელს. გავიმეორებთ სტრატეგიული დაგეგმვის პროცესში გამოყენებად ყველაზე მნიშვნელოვან ანალიტიკურ ინსტრუმენტებს, ვიმუშავებთ მათ პრაქტიკულ გამოყენებაზე და განვიხილავთ ყველაზე გავრცელებულ შეცდომებს.
კურსი განსაკუთრებულ ყურადღებას უთმობს OKR-ის პრინციპების პრაქტიკაში გამოყენებას — ტრანსფორმაციული მიზნების (Objectives) სწორად ფორმულირებას და მათთან დაკავშირებული, გაზომვადი შედეგების (Key Results) განსაზღვრას, რომლებიც ორიენტირებულია რეალურ შედეგებზე. პრაქტიკული სავარჯიშოები დაეხმარება მონაწილეებს შეინარჩუნონ სწორი ფოკუსი და დასახონ ამბიციური, მაგრამ რეალისტური მიზნები.
ტრენინგის ბოლო ნაწილი ეძღვნება პროგრესის შენარჩუნებას ეფექტური კვარტალური და წლიური მიმოხილვების საშუალებით. მონაწილეები ისწავლიან, როგორ წარმართონ მოტივაციური და არაპენალტური შეფასების პროცესები, სწორად შეაფასონ Key Results და განასხვავონ შესრულების (execution) და ჰიპოთეზების (assumption) ხარვეზები, რაც მნიშვნელოვანია უწყვეტი სწავლისა და ორგანიზაციული თანხვედრისთვის.
