ბევრჯერ გვინახავს, რომ даже C-level მენეჯერებიც კი, რომლებიც ყოველდღიურად აწყდებიან შრომითი ბაზრის სერიოზულ გამოწვევებს – თანამშრომელთა მაღალი გადინება, გახანგრძლივებული რექრუტინგის პროცესი და ბევრი ვაკანტური პოზიცია – ბოლომდე ვერ აცნობიერებენ საკუთარ პასუხისმგებლობას ამ პრობლემების გადაწყვეტაში. ყველაზე მარტივი გზაა სრული პასუხისმგებლობის HR-ისა და რექრუტინგის გუნდზე გადატანა. ხშირად ავიწყდებათ ერთი მნიშვნელოვანი და არც ისე სასიამოვნო რეალობა – უმეტეს შემთხვევაში მთავარი პრობლემა არსებული თანამშრომლების შენარჩუნებაშია.
ასეთ დროს HR გუნდი აღმოჩნდება „ცეცხლის ხაზზე“: ვერ ასრულებს KPI-ებს და ერთდროულად იღებს დამატებით წნეხს ტოპ-მენეჯმენტისგან.
HR-ს ნამდვილად უნდა ჰქონდეს ცენტრალური როლი და ინიციატივა აიღოს employer branding პროექტის დაწყებაში, თუმცა კონკრეტულ ნაბიჯებამდე აუცილებელია თემის მნიშვნელობის სწორად წარმოდგენა ბორდისთვის. CEO და ტოპ-მენეჯმენტის სრული გუნდი უნდა იყოს ჩართული: პროექტის მიზნების განსაზღვრაში, საკვანძო ეტაპების განხილვაში, გადაწყვეტილებების დამტკიცებაში. პროექტის დაწყებამდე, მოსამზადებელი ფაზის დასრულებისას, მათი როლები და პასუხისმგებლობები უნდა იყოს სრულიად მკაფიო.
