Insights Discovery - გუნდის ეფექტურობა

“რამდენად ბედნიერი ხარ სამსახურში?” მარტივი შეკითხვა, რომელიც კარგად აჩვენებს თანამშრომელთა კეთილდღეობას და შესაბამისად, მათი ჩართულობის დონეს.განსაკუთრებით მაშინ, თუ ამას რეგულარულად ვეკითხებით და დროთა განმავლობაში მაჩვენებლების მონიტორინგს ვაკეთებთ.

ბოლო პერიოდში დისტანციური მუშაობა და ონლაინ კომუნიკაცია ბევრი გუნდის ყოველდღიურ რეალობად იქცა. ამ ვირტუალურმა დისტანციამ ახალი გამოწვევები წარმოშვა არა მხოლოდ ეფექტური მუშაობის თვალსაზრისით, არამედ იმ მხრივაც, თუ როგორ შევინარჩუნოთ გუნდური სული, ერთიანობის განცდა და როგორ გავაუმჯობესოთ თანამშრომლობა და კომუნიკაცია.

გუნდის განვითარების და ერთიანობის პროგრამა ეფუძნება პატრიკ ლენსიონის მიერ აღწერილ გუნდის 5 დისფუნქციას – უნიკალურ მიდგომას, რომელიც გვეხმარება გავიგოთ, რატომ არის ჩვენი გუნდის შედეგიანობა შეზღუდული. როგორ შეგვიძლია დავრწმუნდეთ, რომ სწორად ვავლენთ იმ ბარიერებს, რომლებიც აფერხებს გუნდს, და ასევე ვპოულობთ გზებს მათი აღმოსაფხვრელად?

როგორ ვიურთიერთობოთ ეფექტურად და ავთენტურად მნიშვნელოვან სიტუაციებში, იმ დროს როდესაც ემოციურად ჩართულები ვართ – მოწყვლადად, დაუცველად, გაბრაზებულად ან გულდაწყვეტილად ვგრძნობთ თავს? როგორ დავიცვათ ჩვენი უფლებები კონსტრუქციულად?

პროფესიონალური პრეზენტაცია გარკვეულწილად ფლირტს ჰგავს – ის იწყება ყურადღების მიპყრობით, რაც საკუთარი თავის გამოხატვასა და თვითრეალიზაციას უკავშირდება. პრეზენტაციის დროს მხოლოდ რამდენიმე წამი გვაქვს იმისთვის, რომ მსმენელის ინტერესი გავაღვივოთ, და დაახლოებით ათი წუთი – იმისთვის, რომ ეს ინტერესი შევინარჩუნოთ. როგორ შეგვიძლია ეს დრო მაქსიმალურად ეფექტურად გამოვიყენოთ?

დღეს ყველაზე მოთხოვნადი თანამშრომლები არიან ისინი, ვინც ადაპტირებადია, მოქნილი (agile), აქვთ ზრდაზე ორიენტირებული აზროვნება და შეუძლიათ როგორც საკუთარი თავის, ისე სხვების ლიდერობა. Lumina Spark-ის ფერებზე დაფუძნებული ენა ადამიანებს შთააგონებს, კიდევ უფრო მეტად განავითარონ საკუთარი უნარები.