კონფლიქტების მართვა

კონფლიქტები, თუ ისინი სწორად არ იმართება, შეიძლება სერიოზულ შედეგებამდე მივიდეს – დააზიანოს თანამშრომლებს შორის ურთიერთობები, შეამციროს კრეატიულობა და პროდუქტიულობა და ფინანსური რესურსებიც კი გაფლანგოს. კონფლიქტების თავიდან აცილება შეუძლებელია, თუმცა ჩვენზეა დამოკიდებული, მივცემთ თუ არა მათ საშუალებას ნეგატიურად იმოქმედონ ურთიერთობებზე, თუ გამოვიყენებთ მათ როგორც ცვლილებებისკენ მიმავალ ბიძგს.

კონფლიქტების ბუნების სიღრმისეული გააზრება და ეფექტური მართვის სტრატეგიებისა და ტექნიკების ცოდნა სწორედ ამას სთავაზობს ჩვენი პროგრამა – მონაწილეებს ეხმარება კონფლიქტურ, ემოციურად დატვირთულ სიტუაციებშიც შეინარჩუნონ სიმშვიდე, იყვნენ გადაწყვეტილებაზე ორიენტირებულნი და ეფექტურად წარმართონ პრობლემის გადაჭრის დისკუსია წარმატებულ შედეგამდე.

პროგრამის ფარგლებში მონაწილეები გააცნობიერებენ კონფლიქტების გამომწვევ მიზეზებსა და ტიპებს და გაეცნობიან კონფლიქტის მართვის სხვადასხვა სტილს. კურსი მაქსიმალურად პრაქტიკულზეა ორიენტირებული და მონაწილეებს საშუალებას აძლევს რეალურ, სიმულაციურ სიტუაციებში განივითარონ უნარები. შედეგად, კონფლიქტის მართვა იქცევა ეფექტურ ინსტრუმენტად, რომელიც ზრდის კმაყოფილებას და აძლიერებს თანამშრომლობის უნარს.

კურსის მიზნები

• განსაზღვროს, რა არის კონფლიქტი, რატომ ჩნდება და როგორ შეიძლება მისი სარგებლად გამოყენება
• შეაფასოს კონფლიქტის დონე და თავიდან აიცილოს მისი გამწვავება
• სწორად შეარჩიოს კონფლიქტის მართვის შესაბამისი სტილი
• გამოიყენოს მართვის ტექნიკები პრობლემის გადაჭრის დისკუსიამდე, მის დროს და მის შემდეგ
• ნაკლები დრო და ენერგია დახარჯოს კონფლიქტებზე და ააგოს უფრო პროდუქტიული ურთიერთობები კოლეგებთან

თემები

• კონფლიქტების ტიპები
• სტერეოტიპებისა და წინასწარი მიკერძოების მართვა
• კონფლიქტის გადაჭრის სტილები (Thomas-Kilmann მოდელი)
• ასერტიულობის გამოყენება კონფლიქტების მოსაგვარებლად
• პრობლემის გადაჭრის დისკუსიები
• კონკრეტული სიტუაციური პრაქტიკული სავარჯიშოები