მედეგობა

დღესდღეობით სულ უფრო მეტ ლიდერს უწევს საკუთარი როლისა და პასუხისმგებლობების გადახედვა ორგანიზაციაში და გუნდებში, რათა შეძლოს არასტაბილური გარემოს ახალი მოთხოვნების დაკმაყოფილება. თუმცა ძველი – თუნდაც წარმატებით გამოყენებული – ლიდერული ჩვევების დატოვება და ახალი უნარებისა და განსხვავებული აზროვნების განვითარება შესაძლოა ისეთივე რთული აღმოჩნდეს, როგორც მარსზე მისიის შესრულება.

Mission to Mars არის თამაშზე დაფუძნებული სიმულაცია, რომელიც შექმნილია იმისთვის, რომ მომავალმა ლიდერებმა უკეთ გააცნობიერონ საკუთარი როლი და ის გზები, როგორ იმუშაონ ეფექტურად გუნდთან.

პროგრამის მიზანია მონაწილეებში ცნობიერების ამაღლება და მათთვის იმ ლიდერული კომპეტენციების პრაქტიკული გამოცდილების მიცემა, რომლებიც აუცილებელია გუნდის წარმატებით მართვისთვის DEVELOR-ის ადაპტური ლიდერობის მოდელის საფუძველზე.

ადაპტური ლიდერი არის ლიდერი, რომელსაც შეუძლია სწრაფად უპასუხოს მრავალფეროვან ცვლილებებს, ადამიანების მეშვეობით შექმნას ღირებულება რესურსების პატივისცემით და შექმნას გარემო, რომელიც მაქსიმალურად ხელს უწყობს უსაფრთხოებას, განვითარებასა და ავტონომიას. მარსის მისიის ამაღელვებელი სცენარის ფარგლებში მონაწილეები გამოცდილებით ეცნობიან ადაპტური მუშაობის სპეციფიკას და იმ უნარებს, რომლებიც ასეთ გარემოში წარმატებისთვის არის საჭირო.

მრავალფეროვანი და კრეატიული დავალებები, ინოვაციური ციფრული გადაწყვეტილებები და ბლენდირებული სწავლების ელემენტები უზრუნველყოფს ღრმა და ჩართულ სასწავლო გამოცდილებას.

კურსის მიზნები

• ადაპტური ლიდერობის მნიშვნელობის გაგება
• ადაპტური ლიდერის უნარების შეფასება ინდივიდუალური რეფლექსიისა და თამაშის გამოცდილების საფუძველზე
• თვითორგანიზებული გუნდების შექმნის, მართვისა და გაძლიერების სწავლა
• გაურკვევლობასა და გამოწვევებთან შეხვედრისას გუნდური სულისკვეთებისა და მოტივაციის გაძლიერება
• გაურკვეველ და არასტაბილურ გარემოში ეფექტური მოქმედების უნარის განვითარება და პირადი მედეგობის (resilience) გაძლიერება

თემები

• ადაპტური ლიდერობის კონცეფცია და კომპეტენციების მოდელი
• ხედვასთან მუშაობა
• გუნდური როლები
• კონფლიქტის მართვა და გუნდური წესები
• გაძლიერება (empowerment) და დავალებების განაწილება
• უკუკავშირი და განვითარება
• გუნდური კონსენსუსის ფასილიტაცია
• დისტანციური პრობლემების გადაჭრა
• ფსიქოლოგიური უსაფრთხოება
• გადაწყვეტილების მიღება
• გუნდური დინამიკა