მოლაპარაკება|მოლაპარაკების ოსტატი

ტრენინგის მიზანია მონაწილეების მხარდაჭერა, რათა მოლაპარაკების პროცესში წარმატებით განახორციელონ საკუთარი სტრატეგია შესაბამისი უნარების შესწავლითა და პრაქტიკით.

პროგრამა მონაწილეებს ეტაპობრივად ატარებს მოლაპარაკების პროცესის ყველა საფეხურზე და ასწავლის საუბრის მართვის, ნდობის აშენების, გავლენის მოხდენისა და დარწმუნების ტექნიკებს. განსაკუთრებული ყურადღება ეთმობა კითხვის ტიპებსა და ტექნიკებს, ასევე მოლაპარაკების გეგმის (Negotiation Plan) განხორციელებას განზომილებების კონვერტირების გზით.

მონაწილეები სწავლობენ, როგორ მივიდნენ შეთანხმებამდე და როგორ დახურონ მოლაპარაკება ეფექტურად. გარდა ამისა, ისინი იძენენ უნარს, გააანალიზონ დასრულებული მოლაპარაკება და შეაჯამონ მიღებული გამოცდილება, რაც მათი შემდგომი განვითარების მნიშვნელოვანი საფუძველია.

პრაქტიკაზე ორიენტირებული ეს ტრენინგი სრულდება კომპლექსური ქეისებითა და სპეციალურად მორგებული სიტუაციური სავარჯიშოებით, სადაც მონაწილეებს შეუძლიათ დაუყოვნებლივ გამოსცადონ და განამტკიცონ მიღებული ცოდნა.

კურსის მიზნები

• შეგნებულად გამოიყენონ მოლაპარაკების კონცეფციები
• შეიმუშაონ და ეფექტურად განახორციელონ საკუთარი მოლაპარაკების სტრატეგია
• იმოქმედონ მოლაპარაკების პროცესის სტრუქტურის მიხედვით
• გამოავლინონ მოლაპარაკების 7 კომპეტენციიდან მინიმუმ 6
• იყვნენ 100%-ით მზად შემდეგი რეალური მოლაპარაკებისთვის

თემები

• „მოლაპარაკება – სტრატეგიის აგება” კურსის მიმოხილვა
• მოლაპარაკების პროცესი – პროცესის თითოეულ ეტაპთან დაკავშირებული უნარები:
  • შეგნებული კომუნიკაცია
  • მოლაპარაკების დასაწყისში ნდობის შექმნა, გავლენა და დარწმუნება
  • კითხვის ტექნიკები
  • განზომილებების გააზრება და კონვერტირება
  • შეთანხმებამდე მისვლა და დახურვა
  • მოლაპარაკების მიმოხილვა და შეფასება
  • Keep Calm & Use Tact კომპეტენციის გაცნობა
  • კომპლექსური სიტუაციური სავარჯიშოები